Passi

responsabile della scheda: Lorenzo Mainini Li rois Artus sor l'un s'assist, / sor l'autre Erec asseoir fist / qui fu vestuz d'un drap de moire. / Lisant trovomes an l'estoire / la description de la robe, / si an trai a garant Macrobe, / qui au descrivre mist s'antante, / que l'an ne die que je mante. / Macrobes m'ansaingne a descrivre, / si con je l'ai trové el livre, / l'uevre del drap et le portret. / Quatre fees l'avoient fet / par grant san et par grant mestrie. / L'une i portrest geometrie, / si come ele esgarde et mesure, / con li ciaus et la terre dure, / si que de rien nule n'i faut, / et puis le bas et puis le haut, / et puis le lé et puis le lonc; / et puis esgarde par selonc / con la mers est lée et parfonde / et si mesure tot le monde. / Tel oevre i mist la premerainne; / et la seconde mist sa painne / an arimetique portreire, / si se pena mont de bien feire, / si come ele nonbre par sans / les jorz et les ores del tans, / et l'eve de mer gote a gote, / et puis aprés l'arainne tote / et les estoiles tire a tire, / - Bien an set la verité dire -, / et quantes fuelles an bois a: / onques nonbres ne l'an boisa / ne ja n'an mantira de rien / quant ele i viaut antandre bien; / teus est li sans d'arimetique. / La tierce oevre fu de musique, / a cui toz li deduiz s'acorde, / chant et deschant, et son de corde, / de harpe, de rote et viële. / Ceste oevre fu et buene et bele, / car devant li gisoient tuit / li estrumant et li deduit. / La quarte qui aprés ovra / a mout buene oevre recovra, / car la mellor des arz i mist. / D'astronomie s'antremist / cele qui fet tante mervoille, / qui as estoiles se consoille / et a la lune et au soloil; / an autre leu ne prant consoil / de rien qui a feire li soit. / Cil la consoillent bien a droit / de quan que ele les requiert / et quan que fu et quan que iert, / li font certainnement savoir / sanz mantir et sanz decevoir. / Ceste oevre fu el drap portreite

Area Lessicale	Lemma	Occorrenza	Senso	Accezione +/-	Identità/alterità
SCIENTIA	arismetique	arimetique	proprio		I - Sovrano/sovrana
SCIENTIA	astronomie	astronomie	proprio		I - Sovrano/sovrana
SCRIBERE	descricïon	description	proprio		I - Narratore
VESTIS	drap	drap	proprio		I - Sovrano/sovrana
SCRIBERE	istoire	estoire	proprio		I - Narratore
MAGIA	fee	fees	proprio		I - Meraviglioso I - Sovrano/sovrana
VERUS	garant	garant	proprio		I - Narratore
SCIENTIA	geometrie	geometrie	proprio		I - Sovrano/sovrana
SCRIBERE	lire	lisant	proprio		I - Narratore
SCRIBERE	livre	livre	proprio		I - Narratore
SCIENTIA	musique	musique	proprio		I - Sovrano/sovrana

Commento:

Si tratta della celebre descrizione delle vesti regali d'Erec, simbolo della sapienza (il quadrivio, di stampo platonico-clericale) conquistata dal cavaliere nel processo che l'ha condotto a divenire sovrano. Da segnalare nel passo gli interventi d'auctoritas del narratore e delle sue "fonti".